韓國隨心遊: **超級好食** **　延南洞肉骨茶豬腳 "May Heong"

2016年6月14日星期二

超級好食 **　延南洞肉骨茶豬腳 "May Heong"

我係一個超傳統既人, 亦都講過萬次, 我鐘意食中菜多於別的國家, 由其蒸燉炆, 因為我此終都覺得用”蒸燉炆”, 要煮得好食, 係唔易, 昨晚去了一間食馬來西亞既食店, 雖然係馬來西亞野食, 但亦都符合了我鐘意既原素係裡面, 我在香港, 星加坡, 馬來西亞, 亦都曾經食過肉骨茶, 但我可以肯定昨晚那個係我遇過最好食, 最足料既肉骨茶豬手, 我眞係一直食一直讚, 連個馬來西亞老闆都話成晚聽到我講好好食, 在韓國好食既韓式料理很多, 但反而我眞心推介要來食呢個菜, 估唔倒竟然係韓國可以找到如此高質素既肉骨茶, 在店內有不同的肉骨茶食品, 主要都係以肉骨茶湯底, 配上不同菜色, 如五花腩, 東坡肉, 排骨..等…但我只可說那個肉骨茶豬腳是必點, 亦是讓人要再來的原因, 用了17種藥材加肉骨茶煮足5小時, 因為老闆是馬來西亞人,大家用廣東話談了一陣, 佢話佢堅持要用17種, 不加味精, 才可以確保質素, 如果吃得味精多, 對眼會唔好, 呢度佢話係要打造健康和足料既肉骨茶

當我以為在韓國食馬來西亞野食會好貴時, 那就錯了, 我都以為會貴

才知道每個菜都只需要8000won, 即是肉骨茶豬腳都是一樣, 如果一人來, 可以叫一個, 都是HK$56, (這店可以一人來的) 我們昨天叫了肉骨茶豬腳, 肉骨茶排骨, 肉骨茶五花腩, 加上湯麵, **另一個賣點是油條, 只係1500won,HK$10, 我以為10蚊雞唔好食果啲, 點知仍是非常好食, 熱和炸得很好, 老闆又話都是自家用心做”

我眞係覺得即使一個人來, 一班人來都好, 這店是我最近必推要來一試, 不會讓你後悔的食店，我們三人叫了5個食物，3個人，一人9000won, HK$63, 來這裡還有榴槤甜品，問你服未，這店原來只開了2個月

**超級好食** **而且在延南洞, 食完仲可以旁邊好多咖啡店比你Hea **